Бонус 10 000 тг

Лицензия №23019645 от 06.09.2023

Бонус 300 000 тг

Лицензия №24358082 от 25.07.2024

"Ел Clasico" жобасы

Футбол. Эмоция. Шоу

«Челсидің» аңыз қақпашысы тағы да мұзға оралды

Сарапшы, спорт журналисі

Футбол әлемінде аңызға айналған қақпашы Петр Чех қайтадан хоккейші ретінде жанкүйерлерінің алдына шықпақ. 43 жастағы бұрынғы голкипер Лондонның «Харингей» хоккей клубымен ресми келісімшартқа қол қойды.

«Челсидің» аңыз қақпашысы тағы да мұзға оралды
instagram/@petrcech

«Челсиден» кейін хоккей қақпашысы

Футболдағы мансабын «Челсиде» аяқтағаннан кейін (2019 жыл) көпшілікке танымал қақпашы өзін жаңа спортта сынап көруді ұйғарған еді. Чех қақпа торын тастамады, тек допты шайбамен алмастырды.

Содан бері ол Ұлыбританиядағы бірқатар клубтың жейдесін киіп үлгерді:

  • «Гилфорд Феникс»,
  • «Челмсфорд»,
  • «Оксфорд»,
  • «Белфаст».

Лондонның төртінші британдық дивизионда ойнайтын «Харингей» клубы 43 жастағы Петр Чехпен ресми келісімшарт жасасқанын жариялады.

«Ақсүйектердің» жанкүйерлері енді хоккей аренасына барады

«Челси» арқылы күллі әлемге танылған қақпашыны сағынған фанаттар енді оны хоккей қақпашысы ретінде тамашалай алады.

Премьер-лига мен Чемпиондар лигасының түндерін сағынған жанкүйерлер Англия чемпионатының хоккей матчтарына барып, сүйікті қақпашысын жаңа образда – маска мен хоккей формасында көре алады.

Футболдан кейін де жанкүйермен байланысын үзбей, мұз үстінде өнер көрсетуі Петр Чехтің спортқа деген ерекше махаббатын тағы бір мәрте айқындап отыр.

Чехтің хоккей тарихы: жай қызығушылықтан – кәсіби деңгейге дейін

Петр Чехтің хоккейге бет бұруы көп адам үшін күтпеген жаңалық болған. Бірақ ол бұл ойды аяқасты емес, нақты жоспармен іске асырып келеді:

  • 2019 жылдан бері төрт түрлі клубта қақпаны қорғады;
  • 2023 жылдың 27 қарашасында Британ элиталық хоккей лигасында дебют жасады;
  • Енді бесінші командасы – «Харингей».

Лондондық клуб тәжірибелі, мінезді спортшыны қатарға қосу арқылы қақпаға сенімділік беріп, жастарға үлгі болуын күтеді.

Бұл туралы не ойлайсыз?

👍 0
👎 0
😂 0
😡 0

Серіктес жаңалықтары

×
Футбол Теннис Жекпе-жек Хоккей Жаңалықтар Авто Бәрі-бір