Біріккен Араб Әмірліктерінің астанасы Абу-Дабиде дзюдо күресінен Grand Slam турнирі басталды.
Татамиге шыққан екі бірдей қазақ балуаны жеңіліс тапты.
Абиба алғашқы белдесуінде 16 жастағы бельгиялық Мэлис Дапені жеңген. Бірақ одан кейін Қытай қызына есе жіберді. Ол ширек финалда 21 жастағы қытайлық балуан Син Хумен жолыққан.
Әлемдік рейтингтің көшбасшысы саналатын Абиба тәжірибелі қарсыласының тұншықтыру әдісіне түсіп қалды.
Айта кетейік, Син Ху былтыр жастар арасындағы әлем чемпионатын жеңіп алған, ал биыл Астанада өткен «Үлкен дулыға» турнирінің чемпионы атанған. Ол жарыста Әбужақынова қатыспаған еді.
Сондай-ақ 60 келіде белдескен Мағжан Шамшадин де алғашқы белдесуінде қарсыласына есе жіберді.
