Софья Актаева Фуджейра қаласында ұйымдастырылған семсерлесуден (рапира) Әлем кубогы кезеңінде екінші орын алды.
Әлем кубогы додасында қазақстандық рапира шебері жартылай финалда Қытай өкілі Ху Бейниді сенімді түрде жеңді.
Жартылай финал: Актаева — Ху Бейни (Қытай) 15:8
Шешуші жекпе-жекте Софья Актаева Ресей өкілі Стефания Часовниковамен жолықты. Нәтижесінде қарсыласы басым түсті.
Финал: Актаева — Часовникова (Ресей) 11:15
Осылайша Софья Актаева Фуджейрадағы Әлем кубогы кезеңін күміс жүлдемен аяқтады.
Айта кетейік, былтыр Софья Актаева дәл осы Фуджейрадағы әлем кубогы кезеңінде чемпион атанған.
