Чемпиондар лигасы: Бүгін "Семей" жартылай финал жолдамасы үшін таласады

Сарапшы, спорт журналисі

Бүгін "Семей" клубы өз алаңында франциялық "Этуаль" командасын қабылдайды.

Чемпиондар лигасы: Бүгін "Семей" жартылай финал жолдамасы үшін таласады
Sports24.kz

Бүгін, 6 наурыз күні футзалдан УЕФА Чемпиондар лигасының ширек финалы аясында қарымта матч өтеді. "Семей" клубы өз алаңында франциялық "Этуаль" командасын қабылдайды.

Матчтың тікелей трансляциясы

"Семей" – "Этуаль" кездесуі Қазақстан уақыты бойынша 20:00-де басталады.

Матчтың тікелей трансляциясы "Qazsport" телеарнасынан көрсетіледі.

Бірінші матч қалай өтті?

Командалар арасындағы алғашқы ойын Францияның Лаваль қаласында өтті. Тартысты кездесуде алаң иелері 5:4 есебімен жеңіске жетті.

Матч барысында "Семей" командасы 4:1 есебімен алда тұрған, алайда ойын соңында қарсылас камбэк жасап, жеңісті жұлып алды.

Қазақстандық клуб сапында гол соққан ойыншылар:

  • Бруно Гомес – 1 және 12-минуттар
  • Кайо Торрес – 3-минут
  • Педриньо – 24-минут

Ал "Этуаль" сапында:

  • Биляль Баккали – хет-трик (9, 33, 39)
  • Абдессамад Мохаммед – 36-минут
  • Суфьян Эль-Месрар – 39-минут

Сонымен қатар 37-минутта "Семей" сапындағы Кайо Торрес қызыл қағаз алып, алаңнан қуылды. 

Материалда:
Алдыңғы материал
Қазақстандағы заңды букмекерлік кеңселердің клиенттері қаражат салу мен алу шектеулеріне тап болды: Olimpbet түсініктемесі
Келесі материал
Шаңына да жетпейді. Михаил Шайдоровтың қарсыластары қанша сыйақы алды?