Енді Любовь Ковальчук әлем чемпионатына қатысады.
Талдықорған қаласында ауыр атлетикадан өткен ел чемпионатында 87 келі салмақ дәрежесіндегі үздік зілтеміршілер анықталды. Алтын медаль қарағандылық Любовь Ковальчукке бұйырды. Екінші орынды жетісулық Аида Ибраим (182 келі) алса, қола жүлдені қызылода облысының өкілі Сандуғаш Хауметова (135 келі) еншіледі.
Естеріңізге сала кетейік, Ковальчук 16 айға спорттан шеттетілген кейін алғаш рет жарысқа қатысты. 2023 жылы спортшы қыз допинг дауымен байланысты үлкен спортпен айналысуына уақытша шектеу қойылған болатын.
Енді ол ұлттық құрама сапына қосылып, алдағы әлем чемпионатына қатысады.
