Бұл жөнінде Мәжіліс депутаты Данияр Қасқарауов мәлімдеді.
Ұлттық спорт түрлері жоғары жетістіктер спорттары қатарына қосылады. Бұл жөнінде Мәжіліс депутаты Данияр Қасқарауов мәлімдеді.
Халық қалаулысы дене шынықтыру және спорт туралы заң жобасына осындай норма ұсынғандарын және ол жұмыс тобы өкілдері тарапынан қолдау тапқанын айтты. Яғни, бұдан былай тек олимпиадалық, паралимпиаладық және сурдоолимпиадалық спорт түрлері ғана емес, ұлттық спорттарға да ерекше мәртебе беріліп, ерекше көңіл бөлінеді.
Мұндай тәжірибе өзге елдерде бар. Сәйкесінше, оны норманың арқасында ұзақ жылдар бойы қордаланған мәселелерге нүкте қойылады деген үмітте. Өйткені, бұған дейін аталған бағытқа аса назар аударылмайтын және қажыландыру деңгейі де өте төмен болатын.
