Өзбекстандық әйгілі гимнаст Оксана Чусовитина Германияның Котбус қаласында өткен Әлем кубогының кезеңінде тірекке секіру жаттығуында үшінші орын алды.
49 жастағы спортшы 13,249 ұпай жинап, қола жүлдеге ие болды. Бұл оның спорттағы ұзақ мансабында кезекті жетістігі.
Алтын жүлдені 13,299 ұпаймен словениялық Тея Белак жеңіп алды. Күміс медальді тағы бір словениялық гимнаст Тьяса Кисселеф иеленді (13,266 ұпай).
2021 жылдың жазында Оксана Чусовитина спорттық мансабын аяқтағанын хабарлаған. Бірақ бірнеше айдан кейін ол қайта жарыстарға қатысуға шешім қабылдады.
