Сербиялық теннисші Ана Иванович неміс футболының жұлдызы, әлем чемпионы Бастиан Швайнштайгермен ресми түрде ажырасуға өтініш берді.
Немістің Spiegel басылымының мәліметінше, 38 жастағы Иванович Мюнхеннің округтық сотына жүгініп, бұрынғы күйеуінен алимент өндіруді талап етіп отыр.
Жұлдызды спортшылардың қарым-қатынасы бұзылғаны туралы ақпарат бұған дейін, көктем айларында-ақ таралған. Сол кезде БАҚ олардың киім бренді Brax-пен жасаған жарнамалық келісімшартына да әсер етуі мүмкін екенін жазған. Бұл келісім 2027 жылға дейін күшінде болуға тиіс еді, бірақ шарт бойынша қос жұптың ресми түрде бірге болуы талап етілген.
Ана Иванович пен Бастиан Швайнштайгер 2014 жылы жұп болып кездесе бастаған. Екі жылдан кейін, 2016 жылдың маусымында Венецияда үйлену тойын өткізді.
Жұптың үш ұлы бар: Лука, Леон және Тео. Көпшілік оларды спорт әлеміндегі ең танымал отбасылардың бірі ретінде қабылдап келді.
Ана Иванович кәсіби теннис мансабын 2016 жылы аяқтаған. Оның еншісінде WTA турнирлеріндегі 15 титул бар. Ең ірісі – 2008 жылы жеңіп алған «Ролан Гаррос» жүлдесі.
Әлемдік рейтингте бірінші орынға көтерілген алғашқы сербиялық теннисші ретінде тарихта қалды.
41 жастағы Бастиан Швайнштайгер футболды 2019 жылы аяқтаған. Ол:
Сонымен қатар 2014 жылы Германия құрамасымен бірге әлем чемпионы атанып, ұлттық құрама тарихындағы басты фигуралардың бірі болды.
