Блицтен әлемнің үш дүркін чемпионы Бибісара Асаубаева әлеуметтік желідегі "үйленейік" форматындағы хаттар туралы пікір айтты.
Tengri Sport-қа берген сұхбатында Бибісараға “Жүрегіңіз бос па?” деген сауал қойылғанда ол жеке өмірге қатысты пікір білдіруден бас тартқан. Алайда артық назарды азайту үшін “Бір ишара бересіз бе?” деген сұраққа чемпионның жауабы қысқа болды:
“Жаза берсін. Интрига сақталсын”, — деген мазмұнда жауап берген.
Асаубаеваның айтуынша, оның парақшасына ең жиі келетін сұрақтардың бірі — “Маған тұрмысқа шығасыз ба?”. Мұндай ұсыныстарға ол әдетте келісім бермейтінін аңғартқан.
Бұған дейін әлеуметтік желіде “Қарым-қатынаста жүрсіз бе?” деген сауалға Бибісара бір фото арқылы жауап бергені айтылды. Кадрда әйгілі Tiffany зергерлік үйінің қорабындағы Love сақинасы көрінген. Бұл деталь көпшіліктің қызығушылығын тудырған.
Шахматшы бұған дейін болашақ жарынан күтетін негізгі қасиеттерін де атап өткен: адалдық пен тәртіп, мейірім, уәдеде тұра білу.
Сонымен бірге ол әлеуетті серіктестің қаржылық тұрақтылығы да маңызды екенін жасырмай, “Сүйгенмен лашықта да жұмақ” деген түсінік өзіне сай келмейтінін меңзеген.
Бибісара Асаубаева 2025 жылдың соңында әйелдер арасындағы әлем чемпионатында блицтен үшінші рет топ жарып, Қазақстан шахматы тарихында ерекше жетістікті бағындырды. Бұл жеңіс оған әйелдер арасындағы Үміткерлер турниріне қатысу мүмкіндігін де ашты.
