Қазақстандық теннисші Зарина Диас Жапонияның Курумэ қаласында өтіп жатқан ITF W50 санатындағы халықаралық турнирдің екінші айналымына шықты.
Әлемдік рейтингте 318-орында тұрған Зарина алғашқы кезеңде жапониялық 22 жастағы теннисші Киса Ёсиоканы (WTA №959) екі сетте айқын басымдықпен ұтты — 6:4, 6:0. Матч бар-жоғы 1 сағат 4 минутқа созылды.
Турнирдің келесі кезеңінде Диас жергілікті спортшы, 29 жастағы Лиза-Мария Риумен (WTA №875) кортқа шығады. Бұл кездесуде де қазақстандық теннисшіден жеңісті ойын күтеміз.
ITF W50 турнирі 13-18 мамыр аралығында Курумэ қаласында өтуде. Жарыстың жалпы жүлде қоры – 40 000 АҚШ доллары (яғни шамамен 20 миллион теңге). Бұл дода — маусымдағы маңызды старттардың бірі саналады.
Айта кетейік, 31 жастағы Зарина Диас осыған дейін Жапонияның тағы бір қаласы — Фукуокада өткен ITF турнирінде жартылай финалға дейін жеткен болатын. Өкінішке қарай, ол сол ойында Химено Сакацумеге 7:5, 1:6, 1:6 есебімен есе жіберді.
