Қазақстандық теннисші Александр Бублик Италияның Турин қаласында өтіп жатқан турнирді сенімді жеңіспен бастады. Алғашқы айналымда ол жергілікті теннисші Маттео Гигантені еш қиындықсыз ұтты.
ATP рейтингінде 164-орында тұрған итальяндық қарсыласына қарсы ойында Бублик екі сетте жеңіске жетті — 6:3, 6:1. Кездесу небәрі 1 сағат 1 минутқа созылды. Қазақстандық спортшы ойын барысында өз үстемдігін толық көрсетті.
Енді 1/8 финалда Александр Бублик тағы бір жергілікті теннисшімен – Федерико Арнабольдимен (ATP №194) кортқа шығады. Бұл матч 15 мамыр күні сағат 13:00-де (Астана уақытымен) өтеді деп жоспарланған.
