Қазақстандық тәжірибелі теннисші Михаил Кукушкин Францияның Бордо қаласында өтіп жатқан "Челленджер" сериясындағы жарыста керемет ойын көрсетті.
Әлемнің 165-ракеткасы саналатын Михаил Кукушкин Павел Котовты екі сетте ұтты. Қызыл топырақта өткен кездесу 7:6 (8:6), 6:4 есебімен аяқталды. Тартысты матч 2 сағат 12 минутқа созылды.
Бұл екі спортшы арасындағы алғашқы ресми кездесу болды. Қазіргі есеп: Кукушкин — Котов 1:0.
Турнирдің екінші кезеңінде Михаил Кукушкин АҚШ теннисшісі Брендон Накасимамен кортқа шығады. Накасиманың әлемдік рейтингтегі орны жоғары, алайда тәжірибелі қазақстандықтың бабында екенін бүгінгі ойын дәлелдеді.
