Юлия Путинцева Италияның Парма қаласында өтіп жатқан беделді WTA 250 санатындағы турнирде ширек финалға жолдама алды.
Әлемнің 29-ракеткасы атанған Путинцева турнирдің екінші айналымында германиялық Анна-Лена Фридзаммен кездесті. Матч тартысты басталғанымен Юлия сенімді ойын көрсетіп, екі сетте де басымдық танытты – 6:4, 6:4. Матч 1 сағат 38 минутқа созылды.
Бұл кездесудің нәтижесінде қос спортшы арасындағы жеке текетіресте есеп 2:0 болып, толықтай Қазақстандық теннисшінің пайдасына шешілді.
Путинцева жартылай финалда мысырлық Маяр Шерифпен ракетка түйістіреді.
