Александр Бублик Франция ашық чемпионатының төртінші айналымына жолдама алды.
Әлемде 62-орында тұрған Бублик 200-орындағы португалиялық Энрике Рошемен кездесіп, 7:5, 6:1, 6:2 есебімен үш сетте жеңіске жетті. Бұл кездесу 1 сағат 43 минутқа созылды. Осылайша ол турнирдің 1/8 финалына шығып, енді әлемнің бесінші ракеткасы — британиялық Джек Дрейпермен күш сынасады.
Естке сала кетейік, Бублик алғашқы айналымда австралиялық Джеймс Даквортты (92-орын) 6:2, 6:4, 6:4 есебімен жеңген болатын. Ал екінші кезеңде ол сенсация жасап, турнирдің тоғызыншы ракеткасы саналатын тағы бір австралиялық Алекс де Минаурға қарсы камбэк жасап, 2:6, 2:6, 6:4, 6:3, 6:2 есебімен басым түскен.
