Жұптық сында Қазақстанның үздік теннисшісі "Ролан Гарроста" екінші рет жеңіске жетті

Анна бұл турнирде сербиялық Александра Круничпен жұптасып өнер көрсетіп жатыр. Оларға бұл жолы қытайлық Синью Янь мен тайпейлік Фан У қарсы тұрды. Қазақстандық-сербиялық тандем сенімді ойнап, екі сетте жеңіске жетті. Қорытынды есеп – 6:4, 6:3.

Алдыңғы кезеңде Бернарда Пера (АҚШ) мен Магда Линетт (Польша) дуэтін де сенімді жеңген еді.

Келесі қарсылас әзірге белгісіз

Анна мен Александраның келесі қарсыластары жақын күндері анықталады. Турнир кестесіне сәйкес, олар енді ширек финалға жақын тұр.

Анна Данилина туралы қысқаша ақпарат:

• Туған күні: 20 тамыз 1995 жыл
• Туған жері: Мәскеу, Ресей
• Қазақстан азаматтығын 2011 жылы алды
• US Open 2023 микс чемпионы
• Australian Open 2022 жұптық финалисті
• 22 ITF, 6 WTA 250, 3 WTA 125, 2 WTA 500, 1 WTA 1000 турнир жеңімпазы
• 2018 жылғы Азия ойындарының екі дүркін қола жүлдегері
• Қазақстан мен Ресейдің спорт шебері, халықаралық дәрежедегі спорт шебері
• Әлемдік рейтингте жұптық сында – 17-орында