2022 жылғы Уимблдон чемпионы, әлемнің 10-ракеткасы Елена Рыбакина алғаш рет өзінің мансабында АҚШ ашық чемпионатының төртінші кезеңіне жолдама алды.
Рыбакина үшінші айналымда 2021 жылғы US Open чемпионы, әлемнің 36-ракеткасы Эмма Радукануды небәрі бір сағаттың ішінде айқын жеңді. Есеп – 6:1, 6:2.
Елена Рыбакина бұған дейін АҚШ ашық чемпионатында ең жоғары нәтижесін 2021 және 2023 жылдары үшінші кезеңге дейін жетуімен шектеген еді. Биылғы жетістік – оның мансабындағы жаңа тарихи белес.
Ширек финалға жолдама үшін қазақстандық теннисші Чехия өкілі Маркета Вондроушова мен Италия теннисшісі Жасмин Паолинидің арасындағы матч жеңімпазымен кездеседі.
Әйелдер арасындағы жекелей сын бойынша АҚШ ашық чемпионаты – 2025 турнирі 24 тамыз бен 6 қыркүйек аралығында өтіп жатыр.
Қазіргі чемпион әрі әлемнің бірінші ракеткасы – Беларусь теннисшісі Арина Соболенко.
