Әмір Омарханов Монастир (Тунис) қаласындағы ITF сериялы хард турнирінде финалға жолдама алды.
18 жастағы талантты қазақстандық теннисші жартылай финалда Германия өкілі, турнирдің алтыншы ракеткасы Мика Петковичпен кортқа шықты.
Омарханов матчты толық бақылауда ұстап, қарсыласын екі сетте 6:1, 6:2 есебімен ойсырата жеңді.
Бұл – Әмірдің турнирдегі төртінші жеңісі. Бұған дейін ол үш бірдей себеттелген қарсыласты турнирден шеттеткен.
Титул үшін Омарханов Германияның жетінші ракеткасы Макс Шенхауспен кездеседі. Финалдық матч 23 қарашаға жоспарланған.
