Australian Open: Елена Рыбакинаның алғашқы матчы екі сетпен аяқталды
Қазақстандық теннисшілер 2026 жылдың алғашқы ірі турнирінде өз жолын бастады. Кезек қыздар арасындағы еліміздің үздік теннисшісі Елена Рыбакинаға келіп жетті.
Қазақстандық теннисші Елена Рыбакина (WTA рейтингінде 5-орын) Аустралия ашық чемпионатының әйелдер арасындағы жекелей сындағы жарысын бастады.
Бірінші айналымда қазақстандық спортшыға Словения өкілі Кайя Юван (100-орын) қарсылас болды. Рыбакина екі сетте жеңіске жетті — 6:4, 6:3. Кездесу 1 сағат 12 минутқа созылды.
Осылайша, Елена Рыбакина турнирдің екінші айналымына шықты. Енді ол Франция атынан өнер көрсететін Варвара Грачеваға (77-орын) қарсы ойнайды.
Еске салайық, Australian Open-2026 31 қаңтарға дейін жалғасады. Турнир жеңімпазы 2 793 365 АҚШ долларын және рейтингке 2000 ұпай алады.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet