Қазақстанның №1 теннисшісі, әлемнің 10-ракеткасы Александр Бублик Дубайдағы ATP-500 санатындағы турнирде алғашқы кездесуін сәтті өткізді.
Бублик бірінші айналымда негізгі торға “lucky loser” мәртебесімен өткен германиялық Ян-Леннард Штруффты (ATP рейтингінде 80-орын) ұтты.
Кездесу 1 сағат 6 минутқа созылып, Бубликтің екі сеттегі жеңісімен аяқталды — 6:3, 6:4. Осылайша қазақстандық теннисші турнирдің келесі кезеңіне өтті.
Екінші айналымда Александр Бублик Отто Виртанен (Финляндия, 131-орын) мен Таллон Грикспур (Нидерланд, 25-орын) жұбының жеңімпазымен кездеседі.
Дубайдағы ATP-500 турнирінің жалпы жүлде қоры 3 311 005 долларға тең. Чемпион атанған теннисші 619 160 доллар сыйақы және ATP рейтингінде 500 ұпай алады.
