Қазақстанның жұптық сындағы үздік теннисшісі Анна Данилина осы күндері АҚШ-тың Индиан-Уэллс қаласында өтіп жатқан WTA 1000 жарысында бақ сынап жүр.
Қазақстандық теннисші Анна Данилина АҚШ-тың Индиан-Уэллс қаласында өтіп жатқан беделді WTA 1000 турнирінде сәтті өнер көрсетіп, жарыстың жартылай финалына жолдама алды.
Қазақстанның жұптық сындағы үздік теннисшісі Анна Данилина бұл турнирде сербиялық Александра Круничпен бірге өнер көрсетуде.
Ширек финалда олар Мирра Андреева (Ресей) мен Виктория Мбоко (Канада) жұбымен кездесті.
Матч Данилина мен Круничтің пайдасына шешілді. Екі сетке созылған кездесу 1 сағат 24 минутта аяқталды. Қорытынды есеп - 7:6 (7:5), 6:2.
Осы жеңістің арқасында қазақстандық-сербиялық дуэт турнирдің жартылай финалына шықты.
Енді олар Испания өкілі Кристина Букша мен америкалық Николь Меликар жұбымен кездеседі. Матч ертең өтеді.
Айта кетейік, Индиан-Уэллс турнирі – WTA 1000 санатындағы ең беделді жарыстардың бірі. Әлемнің үздік теннисшілері қатысатын бұл турнир маусымдағы маңызды дода саналады.
