Жібек Құламбаева ірі турнирде топ жарды

Қазақстандық теннисші Жібек Құламбаева Қытайдың Баотоу қаласында өткен ITF W50 турнирінде жұптық сында жеңімпаз атанды.

Әлемдік рейтингте 395-орында тұрған Құламбаева ресейлік Екатерина Рейнгольдпен (328-орын) жұп құрып, финалда қытайлық Чэнги Юань мен италиялық Дилетта Черубини дуэтін айқын басымдықпен жеңді.

Матч небәрі 51 минутқа созылып, екі сетте аяқталды — 6:1, 6:1.

Осылайша, қазақстандық-ресейлік жұп турнирдің чемпионы атанып, жүлде қорынан өз үлестерін алды. Айта кетейік, жарыстың жалпы жүлде қоры 40 мың долларды құрайды.