Заңғар Нұрланұлы Латвияның Айзкрауклесіндегі жасөспірімдер арасында өткен ITF J100 турнирінде топ жарды.
Жасөспірімдер арасында әлемнің 77-ракеткасы, 16 жастағы теннисші финалда нидерландылық Хайде Шонмаркспен (рейтингте 165-орын) кездесті. Заңғар қарсыласын 6:3, 6:2 есебімен тізе бүктірді.
Былтыр отандасымыз осы жарыстың финалына дейін жеткен.
Бұл қазақстандық теннисшінің спорттық жолындағы ITF Juniors додаларындағы бесінші, ал биылғы үшінші титулы.
