Төрт финалист, ал қалғаны... Бакуде кім нокаут алды, кім арманын жалғастырады?

Ерлер арасындағы жекпе-жектер нәтижесі: 

• 48 келі: Нұрғиса Турабеков әзербайжандық Субхан Мамедовпен күш сынасып, 0:5 есебімен жеңіліс тапты.
• 54 келі: Жандәулет Сәрсенбаев Ресей боксшысы Максим Кузнецовтан 0:5 есебімен ұтылды.
• 54 келі: Бағлан Кенжебек өзбекстандық Шахзод Музаффаровты 4:1 есебімен жеңіп, финалға шықты.
• 57 келі: Ерхан Тұрдан ресейлік Эдуард Саввинмен кездесуде жарақат алып, жекпе-жекті жалғастыра алмады. Жеңіс Саввинге берілді.
• 67 келі: Дулат Бекбауов та жарақатына байланысты рингтен бас тартты. Жеңіс Наби Искендаровқа (Әзербайжан) жазылды.
• 67 келі: Асылхан Көшербай Ресей боксшысы Евгений Коольден үшінші раундта техникалық нокаутпен жеңіліп қалды.
• 71 келі: Нұрбек Мурсал өзбекстандық Сардор Абдумуталиевті 5:0 есебімен таза жеңіп, финал жолдамасын иеленді.
• 75 келі: Санжаралы Бегалиев ресейлік Амин Кушховтан 4:1 есебімен басым түсті. 
• 86 келі: Дәурен Мамыр өзбек Джасурбек Юлдашевқа 0:5 есебімен есе жіберді.

Әйелдер арасындағы нәтижелер: 

• 48 келі: Гүлнәз Бөрібаева ресейлік Лия Патлайдан 0:5 есебімен ұтылды.
• 50 келі: Елянур Турғанова өзбекстандық Сабина Бобокуловадан жеңіліп қалды (0:5).
• 52 келі: Анжа Сәдуақасова ресейлік Валерия Линьковадан 5:0 есебімен айқын басымдықпен жеңіп шықты.
• 52 келі: Томирис Мырзақұл әзербайжандық Зейнаб Рахимовадан жеңілді (0:5).
• 54 келі: Элина Базарова қарсыласы Бахия Ибрахимованы (Әзербайжан) бірінші раундта техникалық нокаутпен жеңді.
• 54 келі: Сымбат Әлиасқар ресейлік Дарья Пантелеевамен жекпе-жекте 0:5 есебімен жеңіліп қалды.
• 57 келі: Виктория Байдукова әзербайжандық Айнур Микайлованы үшінші раундта техникалық нокаутпен жеңіп шықты.
• 70 келі: Әзиза Исина ресейлік Ангелина Витоваға 0:5 есебімен жол берді.
• 81+ келі: Дина Исламбекова әзербайжандық Айнур Рзаевамен тартысты кездесуде 1:4 есебімен жеңілді.

Қазақстан құрамасы үшін турнирдің жартылай финалы оңайға соқпады. Өзбекстан мен Ресей құрамаларының мықты өкілдерімен болған жекпе-жектерде бірнеше спортшымыз есе жібергенімен, төрт боксшымыз финалға жолдама алды:

1. Бағлан Кенжебек (54 кг)
2. Нұрбек Мурсал (71 кг)
3. Санжаралы Бегалиев (75 кг)
4. Анжа Сәдуақасова (52 кг, әйелдер)