Қазақстандық ММА файтері Рауан Бекболат Шэньчжэнь қаласында өткен BRAVE CF 93 турнирінде әсерлі жеңіске жетті. Ол қарсыласын небәрі 84-секундта нокаутқа түсірді.
Рауан Бекболат (10-3-2) Қытайдың Шэньчжэнь қаласында өткен BRAVE CF 93 турнирінде Зеки Дуоджи (7-0) есімді жергілікті, осыған дейін жеңілмеген спортшыны алғашқы раундта-ақ нокаутқа жіберді. .
Жекпе-жек небәрі 1 минут 24 секундқа созылды. Қарсыласқа жасалған дене соққысы нәтижесінде Зеки Дуоджи нокдаунға түсіп, жекпе-жекті жалғастыра алмады. Осылайша қазақстандық спортшы өзінің кәсіби мансабындағы 11-ші жеңісіне қол жеткізді.
Айта кетейік, BRAVE CF 93 турнирінің басты жекпе-жектерінің бірі — қазақстандық файтер Олжас Есқараев (16-7) пен грузиялық тәжірибелі спортшы Рауль Тутаруали (35-8) арасындағы кездесу болады.
