Қазақстандық боксшылар "алтын" үшін қалай шайқасты: Хабаровсктегі турнирдің қорытындылары

Дәстүрлі турнирге Қазақстан құрамасының боксшылары да қатысты. Соңғы жарыс күнінде алты отандасымыз финалға шығып, алтын медаль үшін жұдырықтасты.

Қазақстанның ерлер құрамасы бұл додада сәтті өнер көрсетті. Екі боксшымыз алтын медаль иеленіп, ел қоржынына қуаныш сыйлады:

• Сәкен Бибосынов (54 кг) ресейлік Денис Пальшинді айқын басымдықпен 5:0 есебімен жеңіп, чемпион атанды.
• Нұрлан Сапарбай (+92 кг) аса ауыр салмақта ресейлік Орудж Мамедовты 5:0 есебімен ұтты. 
• Ал 92 келіге дейінгі салмақта Сағындық Тоғамбай ресейлік Сергей Слободянға есе жіберіп, күміс медальмен шектелді (0:5).

Қазақ қыздары "алтыннан" құр қалды. Финалға шыққан үш боксшы да қарсыластарына жол беріп, турнирді екінші орынмен аяқтады:

• 57 кг: Айдана Забынбекова — Сон Хен Ку (КХДР) — 0:5;
• 60 кг: Римма Волосенко — Ирина Автина (Ресей) — 2:3;
• 66 кг: Ұлдана Таубай — Хоан Хе Су (КХДР) — 0:5.