Белал Мұхаммад қарсыласын көзбен "нокаутқа" түсірді (ВИДЕО)

Жартылай орта салмақтағы UFC чемпионы Белал Мұхаммад пен австралиялық файтер Джек Делла Маддалена UFC 315 турнирі қарсаңында өткен стердаунда екеуара агрессивті көз арбасуға барды. Бұл жекпе-жек турнирдің басты оқиғасы ретінде күтіліп отыр. 

Видеодан байқағанымыздай, екі спортшы да өз қарсыласына ешқандай әлсіздік танытқысы келмеген. Мұхаммад сенімділікпен қарсыласына тура қарап, эмоциясын жасырмады. Ал Маддалена да қайтпай, жекпе-жекке толық дайын екенін аңғартты.

Белал Мұхаммад осы уақытқа дейін 24 жеңіс пен 3 жеңіліс тіркеген, бір жекпе-жегі жойылған (no contest) ретінде есептеледі. Жекпе-жек стилімен танымал спортшы – қазір UFC жартылай орта салмақ санатындағы ең қауіпті қарсыластардың бірі.

Ал Джек Делла Маддалена кәсіби октагонда 17 рет жеңіске жетіп, 2 рет жеңілген. Оның да шабуыл стилі өте агрессивті. Сондықтан бұл жекпе-жек көрермендерге нағыз шоу сыйлайтыны анық.