BoxRec порталы жариялаған жаңа рейтингте Өзбекстанның боксшылары көш бастап, Қазақстан тек бір ғана өкілмен ТОП-10 қатарына ілікті.
BoxRec статистикалық порталы әуесқой боксшыларға арналған Pound-for-Pound (P4P) рейтингісін жаңартты. Жаңа тізімде Өзбекстан боксшылары көш бастаса, Қазақстан тек бір өкілімен ТОП-10-ға ілікті.
BoxRec порталының мәліметтері толықтай механикалық жүйе арқылы, яғни нақты деректер мен спортшылардың қарсыластарының деңгейі, жетістіктері, белсенділігі сияқты бірқатар факторларды ескере отырып есептеледі.
Бұл рейтинг әрдайым дау туғызса да, елдердің қазіргі бокстағы орнын көрсететін айна іспеттес. Әсіресе, Олимпиададан кейін бұл тізімдерге назар күшейе түседі.
2024 жылғы Париж Олимпиадасының нәтижелері BoxRec тізіміне тікелей әсер етті: жеті чемпионның бесеуі бірден алғашқы ондыққа енген. Олардың қатарында:
Бұл үш есім рейтингтің алдыңғы қатарында тұр. Ал Қазақстаннан тек бір ғана боксшы TOP-10 қатарына кірді — бұл Парижде ел намысын сақтап қалған жалғыз отандасымыз.
Қазіргі таңда Олимпиада жүлдегерлері Асадхуджа Муйдинхуджаев пен Хасанбой Дусматов салмақ ауыстырып, өз нәтижелерін сәл әлсіреткен. Сондықтан олар тізімнен тыс қалды. Ал қазақстандықтардың көпшілігі ірі жарыстарда жоғары нәтиже көрсете алмады немесе рейтинг жүйесінде ұпай жинауға қажетті жекпе-жектерден тыс қалды.
Кәсіби спорт сарапшыларының пікірінше, 15 қыркүйек күні өтетін World Boxing чемпионатынан кейін BoxRec тізімі айтарлықтай жаңарады. Бұл турнир — Қазақстан құрамасының Олимпиададағы сәтсіздігін жуып-шайып, рейтингте қайта жоғары көтерілуіне мүмкіндік беретін маңызды сәт болуы мүмкін.
