Сауд Арабиясында шайқас басталады: WBC Гран-приінде қазақ боксшыларын не күтіп тұр?
Беделді WBC және Турки әл аш-Шейх ұйымдастырған Гран-при турнирінің екінші кезеңінде Қазақстаннан үш боксшы бақ сынайды.
Төлтаев жеңілмеген қарсыласпен жұдырықтасады
Санатәлі Төлтаев (3 жеңіс, 2 нокаут) бірінші жартылай жеңіл салмақта Филиппиннің мықтысы Джеральд Интоға (12-0, 9 КО) қарсы жұдырықтасады. Бұл айқас 20 маусым күні Эр-Рияд қаласында өтеді. Инто әлі ешқандай жеңіліс көрмеген тәжірибелі боксшы.
Жеңісов — АҚШ-тың үмітіне қарсы
Жартылай жеңіл салмақта Жолдас Жеңісов (9-0, 4 КО) 21 маусым күні америкалық Трой Нэшпен (4-0, 1 КО) қолғап түйістіреді. Екеуі де рингте әлі жеңіліп көрмеген. Бұл жекпе-жек — турнирдің басты назардағы кездесулерінің бірі болмақ.
Ковригинге екінші мүмкіндік берілді
Сол күні тағы бір қазақстандық, жартылай жеңіл салмақта Александр Ковригин (8-1, 6 КО) нигериялық Юсуф Адениджимен (15-0, 10 КО) кездеседі. Айта кетейік, Ковригин бірінші кезеңде жеңіліп қалған болатын. Бірақ Адениджидің бастапқы қарсыласы турнирден шығып қалғандықтан қазақстандыққа қайта мүмкіндік беріліп отыр.
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.