Суперорта салмақта (76,2 кг дейін) WBA ұйымының уақытша чемпионы, америкалық Калеб Плант (23 жеңіс, 3 жеңіліс, 14 нокаут) мексикалық Хосе Армандо Ресендиске (16 жеңіс, 2 жеңіліс, 11 нокаут) ұпай санымен есе жіберді.
Жекпе-жек баяу басталды. Ресендис асықпай қарсыласын қыспаққа алуға тырысты. Калеб Плант қашықтықты ұстап, қарсы шабуылмен жауап қайтарды. Оның сол жақ хук соққысы мен оң қол кросстары өте дәл шықты.
3-раундта ғана Ресендис алғашқы айқын сәтін көрсетті. Жекелеген соққылар нәтиже бермеген соң, ол сериялық шабуылдарға көше бастады. Бірақ бұл кезде нақты соққылар аз еді.
Америкалық боксшы денеге бағытталған соққыларды ауыр қабылдай бастады. Бұл жағдайды Ресендис ұтымды пайдаланды. Плант қарсыласын сол жақ апперкотпен тосып алуға тырысты. Бірақ бұл әдіс нәтиже бермей, бірнеше мәрте мүлт кетті.
Алтыншы раундта Ресендис оверхэнд соққысымен Плантты қатты шайқалтты. Калеб бірден клинчке кіріп тығылды. Гонг қоңырауы құтқарып қалды. Бұл кезеңнен кейін мексикалық шабуылын үдетіп, шегінбейтін мінез көрсетті. Бірақ кейде ережеден тыс әрекеттерге де жол берді. Басымен жиі жұмыс істеп, төрешіден ескерту алу қаупіне ұрынды.
Жекпе-жектің екінші бөлігінде Калеб Плант барлық раундта ұтылды. Ресендис қарқынын үдетіп, жиі соққы жасап дәл түсіріп отырды. Сонымен қатар Планттың бетін жарақаттап, физикалық тұрғыдан шаршатты. Бұл жекпе-жекте ұпаймен жеңіс әкелу мүмкін болмады.
Қорытынды ұпайлар:
