Бішкекте өткен жастар арасындағы Азия чемпионатында қазақстандық балуандар екі алтын, бір күміс және бір қола медаль жеңіп алып, ел абыройын асқақтатты.
9–10 шілде күндері Қырғызстан астанасы Бішкекте өткен жастар арасындағы грек-рим күресі бойынша Азия чемпионатында қазақстандық жас балуандар керемет нәтиже көрсетті. Спортшыларымыз төрт медаль жеңді. Соның екеуі алтын.
87 келі салмақ дәрежесінде белдескен Темірлан Тұрдақын барлық қарсыласын тізе бүктіріп, Азия чемпионы атанды. Ал 82 келіде күрескен Диас Сейітқалиев те алтыннан алқа тағып, Қазақстан намысын абыроймен қорғады.
77 келіге дейінгі салмақта сынға түскен Омар Дүйсенбек финалға дейін жетіп, күміс жүлдені еншіледі. Ал 55 келідегі Мұсан Ерасыл қола медаль иеленіп, жүлдегерлер қатарынан көрінді.
Бұл жетістік – ел спортының келешегіне сенім ұялататын жарқын нәтиже. Қазақстандық жас балуандардың Азия чемпионатында көрсеткен өнері – жаттықтырушылар еңбегі мен күрес мектебінің жоғары деңгейін көрсетеді.
