Қазақстандық боксшы, жастар арасында әлем чемпионы Элина Базарова кәсіпқой бокстағы алғашқы жекпе-жегін сәтті өткізді.
Алматыдағы кәсіпқой бокс кешінде оның қарсыласы жеңіліп көрмеген өзбекстандық Ситора Шогдарова (2-0, 2 КО) болды.
Жеңіл салмақтағы жекпе-жек төрт раундқа жоспарланып, әр раунд екі минуттан тұрды. Барлық раундта басымдық танытқан Базарова төрешілердің бірауыздан шығарған шешімімен айқын жеңіске жетті.
Элина Базарова үшін бұл жекпе-жек ерекше мәнге ие – ол кәсіпқой бокстағы алғашқы жеңісін тіркеді. Ал қарсыласы Шогдарова үшін бұл алғашқы жеңіліс.
Айта кетейік, Базарова жастар арасында әлем, ал ересектер арасында Азия чемпионы. Сонымен қатар Қазақстан әйелдер құрамасының негізгі мүшесі.
