Қазақстандық ММА шебері Магомед Кабардиев шетелдік беделді ұйым — UAE Warriors лигасында октагонға оралады.
Жеңіл салмақта өнер көрсететін Магомед Кабардиев (10-1) 24 шілде күні Абу-Дабиде өтетін UAE Warriors 62 турнирінде жекпе-жек өткізеді. Бұл кездесуде ол турнирдің басты жекпе-жегіне шығады.
Оның қарсыласы Украинадан келген тәжірибелі файтер Кирилл Горобец (13-3). Екеуі де халықаралық ареналарда сыналған, техникалық шеберлігі жоғары. Жекпе-жек үш раундтан, әрқайсысы бес минутқа созылады.
Магомед Кабардиев — Naiza FC ұйымының бұрынғы чемпионы. Оны ММА сарапшылары UFC-пен келісімшартқа отыруы мүмкін үздік үміткерлердің бірі ретінде бағалайды. Алайда Кабардиев үшін бұл жекпе-жек ұзақ үзілістен кейінгі бірінші ресми кездесуі болмақ.
Соңғы рет ол 2023 жылы ресейлік Александр Грозинмен (26-5-1) кездесіп, "Наше дело" турнирінде төрешілердің бірауызды шешімімен жеңіліп қалған еді.
