7-9 шілде аралығында Оңтүстік Кореяның Чхунчхон қаласында өткен таеквондодан командалық әлем кубогында Қазақстан құрамасы тарихи қола медаль жеңіп алды.
Ұлттық құраманың бас бапкері Есбол Султанов Olympic.kz сайтына берген сұхбатында команда көрсеткен нәтижеге баға беріп, алдағы жоспарларын айтты.
"Әлем кубогына Франция, Дания, Корея, Қытай, Марокко, Үндістан секілді алпауыт командалар қатысты. Біздің құрама керемет өнер көрсетіп, алғаш рет жүлде иеленді. Бұл – тарихи жетістік. Біздің көңіліміз толады. Енді алда – финал. Қытайда өтетін финалдық кезеңге әлемнің үздік 10 командасы ғана жолдама алады. Солардың қатарында Қазақстан да бар", – деді бапкер.
Еске салсақ, Есбол Сұлтанов 2025 жылдың қаңтарында Қазақстан құрамасының бас бапкері болып тағайындалған. Бұған дейін ол Тунис құрамасын жаттықтырып, Париждегі Олимпиадада алтын және қола медаль жеңіп берген болатын.
Қазақстандық спортшылар соңғы халықаралық жарыстарда жоғары нәтижелер көрсетіп жүр. АҚШ-та өткен Гран-при кезеңінде үш медаль иелендік:
Айта кетерлігі, Темірлан Тлеулес Токио-2020 Олимпиадасының чемпионы, италиялық Вито Делль’Акуиланы жеңген.
Чхунчхондағы әлем кубогында ел намысын қорғаған спортшылар:
Олар Қазақстанға командалық есепте алғаш рет қола медаль әкелді.
Сонымен қатар Кореяның Муджу қаласында өтіп жатқан World Taekwondo Diamond Game халықаралық турнирінде де Қазақстанның әйелдер құрамасы жақсы нәтиже көрсетті. Турнирдің алғашқы күнінде Аида Таукенова мен Камила Аймұқашева финалға шығып, Марокко құрамасына 1:2 есебімен есе жіберіп, командалық есепте күміс медаль иеленді.
"Қазір Алматыда жаттығу-жиын өткізіліп жатыр. Бұл – алда болатын жарыстарға дайындықтың маңызды кезеңі. Құрама екі топқа бөлінген: бір бөлігі Кореяда өнер көрсетіп жатыр, екіншісі – Универсиадаға дайындалып жатыр. Жылдың басты жарысы – қазан айындағы әлем чемпионаты. Қазіргі жарыстар – соған дайындық сатылары. Спортшылар бар күшін салып жұмыс істеп жатыр. Команда деңгейі өсіп келеді, бірақ алда әлі де көп жұмыс бар", – деді Есбол Сұлтанов.
