Нью-Йоркиегі Louis Armstrong Stadium аренасындағы бокс кешінде жеңіл салмақта (61,2 кг дейін) WBC тұжырымы бойынша әлем чемпионы Шакур Стивенсон (24-0, 11 KO) мексикалық Уильям Сепеданы (33-1, 27 KO) төрешілер шешімімен жеңді. Бұл жекпе-жек бокс жанкүйерлері мен сарапшылар арасында үлкен дау туғызды.
Жекпе-жек басталысымен Сепеда қарсыласын белсенді қыспаққа алып, канатқа тақап тастады. Оның соққылары Стивенсонның денесіне нақты тиіп жатты. Шакур бір сәтте белден төмен ұрғанымен төреші дереу ескерту жасап, жағдайды бақылауда ұстады.
Шакур кей сәттерде қарсы шабуылмен ерекшеленгенімен мексикалық боксшының физикалық қысымынан айқын ұтылды. Көптеген жанкүйер Сепеданың тиімді соққылары мен белсенділігін атап өтті. Бір раундта Сепеда Стивенсонды теңселтіп, оны нокдаун шегіне жеткізді. Бұл америкалық үшін өте ауыр сәттердің бірі болды.
Жекпе-жектің бірінші жартысы Сепеданың пайдасына өтті. Бірақ кейін Стивенсон қимыл қарқынын арттырып, қарсыласынан жиі қашып, латералды қозғалыстар арқылы шабуылдарға төтеп бере бастады. Ол соққы мен қорғаныс арасындағы тепе-теңдікті тапқандай болды.
Бокс кешінің басты дауы — қорытынды ұпайлар:
Көптеген жанкүйер мен комментаторлар мұндай есепті әділетсіз деп бағалады. Әлеуметтік желілерде бұл жекпе-жек "бокс кешінің даулы шешімі" ретінде қызу талқыланып жатыр.
