Ол 23 шілде күні венесуэлалық Ройберт Эчеверрияға қарсы сегізбұрышқа шығады.
Қазақстандық жанкүйерлер асыға күткен сәт жақындап қалды — 10 жеңісі бар Әліби Ыдырыс (10-0) танымал TUF шоуының келесі кезеңіне жолдама алып, ширек финалда бақ сынамақ. Оның қарсыласы — Венесуэладан келген Ройберт Эчеверрия (10-2).
Бұл жекпе-жек реалити жобаның тоғызыншы эпизодында, 2025 жылғы 23 шілдеде өтеді. Шоу әлемге әйгілі UFC промоушенінің ресми жобасы саналады және оның жеңімпазына тікелей UFC-мен келісімшарт жасау мүмкіндігі беріледі.
TUF — The Ultimate Fighter — UFC тарихындағы ең танымал платформалардың бірі. Мұнда тек мықтылар ғана финалға жетіп, арманға айналған келісімшартқа қол жеткізе алады.
