Германияда өтіп жатқан 2025 жылғы Дүниежүзілік Универсиадада Қазақстан құрамасы дзюдо сайысында жарқын ойын көрсетті. Алғашқы жекпе-жекте спортшыларымыз Чехияны сенімді түрде 4:0 есебімен жеңіп, турнирді сәтті бастады.
Екінші кездесу Германия құрамасына қарсы өтті. Бұл жекпе-жек өте шиеленісті және тартысты болды. Қазақстандық дзюдошылар шешуші сәттерде қарсыласты 4:3 есебімен тізе бүктіріп, жартылай финалға жолдама алды.
Жартылай финалда Франция мықты болды. Өкінішке қарай шешуші сәттерде жеңіс бізге бұйырмай, Қазақстан 2:4 есебімен ұтылды.
Енді дзюдошыларымыз Универсиаданың қола жүлдесі үшін Бразилиямен күреседі.
