Боксшы кәсіби мансабын жалғастыруды ойластырып жүр.
Қазақстандық белгілі боксшы, Токио Олимпиадасының қола жүлдегері Қамшыбек Қоңқабаев қайтадан ұлттық құраманың намысын қорғауы ықтимал.
Боксшы Аслан Қаженовке берген сұхбатында қазіргі жағдайын айтты:
«Қызылордада бір айдан аса уақыт жаттығып жүрмін. Кәсіпқой бокстан ұсыныстар бар, соны қарастырып жатырмын. Бірақ егер ұлттық құрамаға қажет болып жатсам, оралуға дайынмын. Әсіресе «керек болып жатсам» дегенге мән бердім. Өйткені жастар келіп жатыр, буын алмасу кезеңі жүріп жатыр. Солардың жолын бөгегім келмейді», – деді Қоңқабаев.
Сонымен қатар ол 90 келіде де, 90 келіден жоғары салмақта да жұдырықтасуға дайын екенін жеткізді.
Жыл басында ұлттық құраманың бас бапкері Қайрат Сәтжанов Қамшыбек Қоңқабаевтың спорттық мансабы аяқталғанын мәлімдеген болатын.
Алайда қазіргі мәлімдеме оның қайта оралуы мүмкін екенін көрсетіп отыр.
