Оңтүстік Африка чемпионы Дрикус Дю Плесси мен БАӘ өкілі Хамзат Чимаев басты жекпе-жек алдындағы көзқарас кезінде қақтығыс ұйымдастырды.
Бұл екеуі UFC 319 турнирінің басты жекпе-жегінде кездеседі. Дю Плесси орта салмақтағы (83,9 кг дейін) чемпиондық белбеуін қорғап қалуға тырысса, рейтингте үшінші орында тұрған Чимаев – титулға басты үміткер.
Турнир жексенбіге қараған түні Чикагода өтеді. Қазақстан уақыты бойынша басты жекпе-жек таңғы 09:00 шамасында басталады.
Кеше өткен салтанатты салмақ өлшеу рәсімінде спортшылар көрермендер алдында бетпе-бет келді. Сол сәтте Чимаев қарсыласына қарай ұмтылып, итермек болды. UFC президенті Дана Уайт пен қауіпсіздік қызметі араласып, екеуін бөліп жіберді. Толыққанды "стердаун" сол күйі жүзеге аспады.
Хамзат Чимаев сахнада эмоциясын жасыра алмады:
"Мен ертең бұл жігітті жайпап тастаймын. Бір-ақ күн қалды. Ертең – ол труп!"
Ал Дрикус Дю Плесси жанкүйерлердің ысқырығына жауап беріп, өз сенімін білдірді:
"Ол – мықты қарсылас, нағыз аң. Бірақ мен оны ұйықтатамын. Мейлі жерде тұншықтыру арқылы болсын, мейлі нокаутпен. Сендердің сүйіктілеріңді жеңіп, бәріңнің құрметтеріңді иеленемін. Бұл әрқашан осылай болады".
Айта кетейік, турнир бағдарламасын қазақстандық Әліби Ыдырыс ашады. Ол The Ultimate Fighter шоуының финалында америкалық Джозеф Моралесқа қарсы шығады.
