Қазақстандық кәсіпқой боксшы Бауыржан Бекмұрзаев (5-0-1, 4 КО) Алматыдағы бокс кешінде жанкүйерлерін қуантты.
Жеңіл салмақта өткен айқаста оның қарсыласы — өзбекстандық Шаробиддин Джурахонов (2-6-1, 2 КО) болды. Жекпе-жек алты раундқа жоспарланғанымен белгіленген қашықтыққа жеткен жоқ.
Екінші раундтың соңына қарай Бекмұрзаев бауыр тұсына ауыр соққы бағыттап, қарсыласын нокаутқа түсірді. Осылайша кездесу мерзімінен бұрын аяқталды.
Бұл Бекмұрзаевтың кәсіпқой рингтегі алтыншы жеңісі болып тіркелді. Ол әлі күнге дейін жеңілістің дәмін татпаған. Ал Джурахонов өз мансабында жетінші рет жеңіліске ұшырады.
