Қазақстандық боксшы Карина Ибрагимова әлем чемпионатында кезекті жеңіске жетті. Турнир Англияның Ливерпуль қаласында өтіп жатыр.
57 келіге дейінгі салмақ дәрежесінде сынға түскен Ибрагимова 1/8 финалда жергілікті боксшы Элиза Глиннмен кездесті. Қазақстандық спортшы төрешілердің бірауызды шешімімен 5:0 есебімен жеңіске жетіп, келесі кезеңге жолдама алды.
Осылайша Карина Ибрагимова Қазақстан құрамасының атынан алғашқы болып ширек финалға шықты. Бұған дейін ол турнирді сенімді бастады — грек боксшысы Панайота Кузилуді дәл осындай есеппен (5:0) тізе бүктірген.
