Ертуған Зейнуллинов Ливерпульдегі әлем чемпионатында кезекті жеңісін тойлады.
Зейнуллинов 65 келіге дейінгі салмақ дәрежесіндегі 1/8 финалда Англия өкілі Патрис Мугалзаимен қолғап түйістірді. Алғашқы раундта қазақстандық боксшы төрешілердің бағалауымен 1:4 есебімен ұтылып қалған. Дегенмен келесі раундтарда тактикасын өзгертіп, басымдыққа ие болды.Нәтижесінде Ертуған Зейнулиинов бөлінген шешіммен жеңіске жетіп, ширек финалға жолдама алды.
2024 жылғы Қазақстан чемпионы атанған Зейнуллинов курьер болып жұмыс істегенін мойындаған еді. Соған қарамастан ол үлкен аренада өзін дәлелдеп, бүгін әлем чемпионатының жүлдесіне бір қадам жақындады.
