Англияның үмітті боксшысы Астон Браун (9-0, 4 КО) орта салмақтағы BBBofC Celtic вакантты чемпиондық белбеуін иеленді. Ол отандасы Пол Кинді (19-5, 2 КО) мерзімінен бұрын жеңді.
Жекпе-жектің тағдыры көп ұзамай шешілді. Екінші раундтың алғашқы минутында Браун қарсыласының бүйіріне ауыр соққы бағыттап, Кинді нокдаунға түсірді.
Рефери Ли Эвери санағаннан кейін Кин орнынан тұрғанымен айқас жалғаса алмады. Браун қарсыласына соққының жаңа толқынын бағыттап, төреші жекпе-жекті тоқтатуға мәжбүр болды.
Осылайша Астон Браун орта салмақтағы жаңа BBBofC Celtic чемпионы атанды. Жекпе-жектің нокаут сәтін төмендегі бейнежазбадан көруге болады.
Орта салмақта әлемдік аренада Қазақстанның мақтанышы Жәнібек Әлімханұлы (17-0, 12 КО) да өнер көрсетеді. Қазір ол WBO және IBF тұжырымдары бойынша әлем чемпионы атағын ұстап келеді және бұл дивизионның басты тұлғаларының бірі саналады.
