15 қараша күні Нью-Йоркте Джек Делла Маддалена мен Ислам Махачев жолығады. Ал осы айқастан кейін кім чемпиондық белбеуге таласады деген сұрақ ашық күйінде қалды. Сарапшылардың пікірінше, Шавкат Рахмоновтың есімі — титулға басты үміткерлер қатарында.
UFC жартылай орта салмақ дәрежесінде чемпиондық айқасқа кезекті қарсылас кім болатыны әлі нақты белгісіз.
Қазіргі таңда бұл бәсекеге үміткерлер қатарында бірнеше есім аталып жүр: Шавкат Рахмонов, Белал Мұхаммад, Шон Брэди, Камару Усман және Иэн Гэрри.
Шон Брэди Ariel Helwani’s MMA Hour бағдарламасында қазіргі жағдайға қатысты пікір білдіріп, ұйым ішіндегі шешімдер кейде рейтингке емес, промоушеннің өз стратегиясына тәуелді екенін ашық айтты.
«Мен Хантер Кэмпбеллмен сөйлестім. Ол маған рейтингтердің қазір еш маңызы жоқ екенін айтты. UFC кімге титулды бергісі келсе — соған береді. Мен Леон Эдвардсты өз алаңында жеңіп, сабмит жасадым. Бірақ бәрібір титулға мүмкіндік бермеді. Сондықтан бұл жерде ешкімге ештеңе кепілдендірілмейді», — деді Брэди.
Жекпе-жекші сондай-ақ ұйымның жаңа логикасын сипаттап өтті:
«UFC қазір №1 үміткер деген жүйеден бас тартты. Енді бәрі — сәттілік пен тиімді сәтке байланысты. Мухаммад пен Гэрридің жекпе-жегі, менің Моралеске қарсы айқасым немесе Эдвардстың Пратеспен кездесуі – ешқайсысы тікелей титулдық мүмкіндікке кепіл емес. Бәрі кім жарқырап көрінетініне байланысты».
