Оның жекпе-жегі 15 қараша күні Мәскеуде өтеді.
Кәсіпқой бокста «Адай» лақап атымен танылған қазақстандық боксшы Уәлихан Бисенқұлов (11-2, 10 KO) бес жылдық үзілістен кейін қайта шаршы алаңға шықпақ.
BoxRec ресми дерекқорында Уәлихан Бисенқұловтың келесі жекпе-жегі тіркелген. Ол 15 қараша күні Ресей астанасы Мәскеуде өтетін бокс кешінде өнер көрсетеді. Әзірге қарсыласының есімі жарияланған жоқ, бірақ промоутерлік тарап алдағы күндері ресми мәлімет тарататынын мәлімдеген.
Бисенқұлов соңғы рет шаршы алаңға 2020 жылдың желтоқсанында Алматыда шықты. Сол жекпе-жекте ол қазақстандық боксшы Михаил Криницинді (11-11-2, 7 KO) төрешілердің бірауыздан шешімімен жеңген еді. Осы кездесуден кейін Уәлихан ұзақ уақыт бокс жанкүйерлерінің көзінен таса болды.
Уәлихан Бисенқұловтың кәсіпқой бокстағы көрсеткіші:
Уәлихан кәсіпқой боксқа 2018 жылы дебют жасап, алғашқы 5 жекпе-жегін Ресейде өткізген. Сол кезде ол қазақстандық бокс жанкүйерлерінің тарапынан «қатал стильдегі үмітті боксшы» ретінде бағаланған.
