Қазақстан құрамасының жетекші боксшыларының бірі Сәкен Бибосынов Семейде өткен бокстан ел чемпионатының финалында жарқын жеңіске жетті.
55 келіге дейінгі салмақ дәрежесінде Түркістан облысының намысын қорғаған Сәкен Бибосынов қызылордалық Нұрсұлтан Алтынбекпен алтын медаль үшін айқасты. Алғашқы раунд күтпеген жағдаймен аяқталды — тәжірибелі Бибосынов төрешілердің шешімімен 2:3 есебімен жеңілді. Бірақ екінші раундта Сәкен өз ойын түбегейлі өзгертіп, қарсыласын қыспаққа алып, 5:0 есебімен айқын басымдық танытты.
Үшінші, шешуші раундта да Бибосынов рингті толық бақылауда ұстап, қорытынды есеп — 5:0. Осылайша ол Қазақстан чемпионатының алтын медалін жеңіп алды.
Сәкен Бибосынов — Қазақстан боксының ең табысты спортшыларының бірі:
Оның қарсыласы Нұрсұлтан Алтынбек те мықтылар қатарынан — ол U22 жас санатында екі дүркін Азия чемпионы.
