UFC-дің екі салмақ дәрежесінде бұрынғы чемпионы Джон Джонс Алекс Перейраға жекпе-жек өткізуге шақыру тастады. Ол промоушеннің Ақ үйде өтетін турнирінде кездесу өткізуді ұсынды.
Джонс өз әлеуметтік желілерінде мәлімдеме жариялап, жоғары деңгейдегі шеберлігін көрсеткісі келетінін айтты:
«Алекс, мен Ақ үйде ең жоғары деңгейдегі шеберлігімді көрсетуге қуана келісемін. Сенің құрметіңді бағалаймын. Кеттік, билеп көрейік», — деп жазды Джонс.
Джон Джонс соңғы рет 2024 жылдың қарашасында октагонға шыққан болатын. Ол ауыр салмақтағы чемпиондық белбеу үшін өткен жекпе-жекте Стипе Миочичті нокаутпен жеңіп, UFC тарихында өз атағын он екінші рет қорғаған рекорд орнатты.
2025 жылдың маусым айында UFC президенті Дана Уайт Джонстың карьерасын аяқтағанын хабарлаған еді. Алайда шілдеде Джонс өзі қайтадан промоушеннің допинг-тестілеу пулына оралғанын мәлімдеді.
Еске сала кетейік, қазанның 5-іне қараған түні Алекс Перейра бірінші раундтың екінші минутында Магомед Анкалаевты нокаутпен жеңіп, жартылай ауыр салмақтағы чемпиондық белбеуін қайтарып алған болатын.
Бұо олардың екінші жекпе-жегі болды. Мамандардың айтуынша, келесі жылы Анкалаев пен Перейраның арасында нүкте қоятын үшінші жекпе-жек болады деп күтілуде.
