Нұрқожа Қайпанов қарсылас шақ келтірмей жатыр

Эр-Риядта өтіп жатқан Исламиада-2025 турнирінде Қазақстанның еркін күрес жұлдызы Нұрқожа Қайпанов кезекті белдесуін мерзімінен бұрын аяқтап, жартылай финалға жолдама алды.

Бұл жолы оның қарсыласы — 31 жастағы камерундық Монти Жака Седрик. Белдесу толыққанды бәсекеге ұласпай, Қайпанов 10:0 есебімен техникалық жеңіске жетті. Осылайша, Петропавлда туған балуан жартылай финалға шықты.

Исламиададағы алғашқы белдесуінде отандасымыз өзбек балуаны Жафар Чулибоевты 11:0 есебімен ұтқан еді.

Нұрқожа Қайпанов 1998 жылы 21 маусым күні Петропавлда туған. 
Негізгі жетістіктері:

• Азия чемпионаттарының үш дүркін чемпионы (2019, 2021, 2025), 
• Әлем чемпионатының финалисі (2019), 
• Әлем чемпионы (2024)
• Әлем чемпионатының қола жүлдегері (2025)
• Дінмұхамед Қонаев турнирінің жеңімпазы (2022)
• Азия чемпионатының финалисті (2022)
• Жастар арасындағы Азия біріншілігінің қола жүлдегері (2018)
• Қазақстанның еңбек сіңірген спорт шебері