Лас-Вегас қаласында (АҚШ, Невада штаты) өткен UFC 323 турнирінің басты жекпе-жегінде Грузия өкілі Мераб Двалишвили (21–4) мен ресейлік файтер Петр Ян (19–5) екінші рет октагонда жолықты. Қазақстан уақытымен таңертең өткен титулдық айқас күтпеген нәтижемен аяқталды.
Бұл кездесуде UFC-тің жеңіл салмақтағы чемпионы Мераб Двалишвили тағы да өз белбеуін тәуекелге тікті. Бес раундқа есептелген чемпиондық айқас толық дистанцияға созылып, нокаутсыз өтті.
Төрешілер жекпе-жекті бірауыздан Петр Янның пайдасына жазды:
Көпшілік жекпе-жекке дейін фаворит ретінде Двалишвилиді атағанымен октагонда бәрі басқаша өрбіді. Осылайша Петр Ян кәсіби ММА карьерасындағы 20-жеңісіне жетті, ал Мераб Двалишвили бесінші рет жеңіліске ұшырады.
Бес раунд бойы екі спортшы да жоғары қарқыннан түспеді. Двалишвили әдеттегідей күреске, клинчке және қысымға сүйенсе, Ян қарсы шабуыл, дәл соққылар және октагондағы қозғалыс арқылы жауап қатты.
Рейтингі мен чемпиондық мәртебесіне байланысты грузиялық спортшы басым түседі деген болжамдар көп болды. Алайда ресейлік файтер тактикалық тұрғыдан сауатты шығып, тиімді соққыларымен және қорғанысымен артықшылығын дәлелдеді.
Бұл – Мераб Двалишвили мен Петр Ян арасындағы екінші ресми айқас.
Осылайша қос файтердің жеке кездесулеріндегі есеп 1:1 болып теңесті. Алдағы уақытта үшінші шешуші айқасқа деген қызығушылық та арта түсері анық.
