Бокстан ӘЧ: Бүгін үш отандасымыз жұдырықтасады

Оразбек Асылқұлов – кештің алғашқы жекпе-жегі

Күндізгі сессияда бірінші болып 57 келіге дейінгі салмақта өнер көрсететін Оразбек Асылқұлов шаршы алаңға шығады.

• Басталуы: 18:00, Қазақстан уақытымен
• Қарсыласы: Кабо-Верде елінің боксшысы Элизандру Саншеш да Силва

Ертуған Зейнуллинов – моңғол қарсыласымен түнгі айқас

Кешкі сессия Астана уақытымен 22:00-де басталады. Осы бағдарлама аясында 63,5 келіге дейінгі салмақта жұдырықтасатын Ертуған Зейнуллиновтың жекпе-жегі түнгі уақытта өтеді.

• Шамамен басталу уақыты: 23:45
• Қарсыласы: Моңғолия боксшысы Даваадалай Алтангэрэл

Абылайхан Жүсіпов – түнгі басты жекпе-жек

Қазақстан жанкүйерлері ерекше күтетін айқастардың бірі – 71 келіге дейінгі салмақтағы тәжірибелі боксшы Абылайхан Жүсіповтің жекпе-жегі. Ол кештің соңына қарай рингке көтеріледі.

• Шамамен басталуы: 00:45
• Қарсыласы: Армения өкілі Арарат Арутюнян