Тарихтағы үшінші трагедия: Пантожа – Ван титулдық айқасы неге ауыр жарақатпен аяқталды?

Хай-киктен кейінгі сұмдық жарақат

UFC турниріндегі негізгі титулдық жекпе-жек бірінші раундта-ақ күтпеген финалға жетті. Бразилиялық чемпион Алешандре Пантожа қарсыласына хай-кик бағыттап, жерге сәтсіз құлады. Нәтижесінде шынтағы шығып кетіп, жекпе-жекті жалғастыра алмады.

Осы сәтте Пантожа қолын ұстап, ауырсынған күйде жерге құлады. Джошуа Ван бірден қарсыласынан алыстап, қосымша соққы жасамады. Рефери жағдайды түсініп, жекпе-жекті тоқтатты

Салдарынан Ванға бірінші раундта техникалық нокаут (ТКО) арқылы жеңіс жазылды.

Титулдық айқас соққыдан емес, жарақаттан тоқтады

Бұл оқиға UFC статистикасында ерекше жолмен белгіленді. Бұл – промоушен тарихында чемпиондық белбеу үшін өтетін жекпе-жектің ауыр жарақатқа байланысты тоқтатылған үшінші жағдайы.

Ең қызығы, алдыңғы екі эпизод та басқа бір бразилиялық жұлдыз – Андерсон Силвамен байланысты болған:

1. UFC 90 турнирі – Патрик Коте тізе жарақатына байланысты айқасты жалғастыра алмады.
2. UFC 168 (желтоқсан 2013) – Андерсон Силва реваншта Крис Уайдманға қарсы жекпе-жекте аяғын сындырып алғаннан кейін кездесу бірден тоқтатылды.

Көзді шоқып алу, төменнен ұру немесе басқа да ережеге қайшы әрекеттер салдарынан тоқтаған жекпе-жектер бұл статистикаға кірмейді. Мұнда тек «таза» спорттық жарақаттардан үзілген титулдық айқастар туралы сөз болып отыр.

Пантожаның жеңіс сериясы үзілді, Джошуа Ван – жаңа чемпион

Пантожаның бұл жеңілісі оның керемет сериясын да үзді:

• 8 жекпе-жектен тұратын жеңісті сериясы аяқталды
• UFC белдігін төрт рет сәтті қорғаған чемпион тақтан түсті

Ал 24 жастағы Джошуа Ван UFC-дегі жаңа чемпионы атанды.